Deuteronomy 22
1Na sanggamte bawngtal ahi a tuu ahi zongin a gammang na muhsak leh thudon lo kei inla amah puak kik tektek in. 2Tua sanggampa na kim nai-a teng lo ahikeh a nei kua hiam, cih na theih kei leh na innah hawl inla hong kikan mateng kem in. Tua ciangin a neite pia kik in. 3Na sanggampa’ laa ahi a, a puan ahi a, a mansuah na khatpeuh ahi zongin na muh leh tu-a bangin hih in. Thudon lo kei in. 4 Na sanggampa’ laa ahi a bawngtal ahi zongin a lampuk na muh leh thudon lo kei in. A khe-a a din zawh nadingin huh in. 5 Numei in pasal puan ahi a, pasal in numei puan ahi zongin a silh peuhmah kei ding hi, ahang in, tua banga a silh peuhmah TOPA note Pasian in a kih hi. 6 Lamgei-ah singtung ahi a leilak ahi zongin vasa bu na tuah leh a no keuh tung ahi a, a tui tung ahi zongin a pi a op leh a pi le a no lakhawm kei in. 7A no la-in api na khah ding hi, tua in nuamsa-a na khansau theih nading ahi hi. 8 Inn thak khat na lam uh ciangin mi khatpeuh na inn tung panun kia a, na inn uh sisan suahsak mawhna inn ahi loh nadingin na innkhum kimkot uah tangban bawl un. 9 Na lenggui huanah khaici nam nih suan kei in; na suan le na ankung suan bek hi loin na lenggui suan zong kisia khawm ▼▼21.9 Ahikeh munsiangtho ah liausumin kipia ding hi.
ding hi. b 10 Bawngtal khat le laa khat hakkol zawngsakin lo na kaisak khawm kei ding hi. c 11 Patkhau le samul kigankhawm puan na silh kei ding uh hi. 12 Na silh uh puantualpite a mongah puanmongteep na guan ding uh hi. Kitenna-a Thupalsatte
13 Mi khat in a zi ding la-a, a luppih khit ciangin deih lo kika, 14tuanu mawhsiatin min siasak a, “Hih nu ka tenpih hi napi amah ka luppih ciangin nungak bitlai na hi nawn lo mawk hi,” a cihleh, 15tua ciangin numeino nu le pa in amah nungak bit ahina khua kongpi-a upate kiangah va tun ding uh hi. 16Numeino pa in upate kiangah, “Ka tanu hih mipa tawh ka kitensak hi napi amah’n deih lo kik hi. 17Tuapa in amah mawhsiat a, “‘Na tanu nungak bit ahi nawn kei hi,’ ci hi. Ahi hangin hih lai-ah ka tanu a bitna kong lak hi,” ci uh hen. Tua ciangin a nu le pate in khua upate mai-ah a puansilh uh lak dinga, 18upate in mipa samin dan a thuaksak ding uh hi. 19Amaute in ngun ▼▼21.19 Tua pen pound 2 ½ bang (kilogram 1 bang)
shekel za khat gaam ding uh a, numeino’ pa a pia ding uh hi; bang hang hiam cih leh hih mipa in Israel nungak bit khat a minsiasak hi. Tuanu a zi mah hi veve dinga, a nuntak laisiah a ma peuhmah kei ding hi. e 20 Ahi ta zongin a mawhsakna a maan hi a, numeino a bit ahina a kimuh theih kei leh 21tuanu a pa inn kongkhak ah kipuakin tua lai-ah a khuapih mite in amah suangin a denglum ding uh hi. Tuanu a pa innah a om lai-in paktatna tawh Israel sungah maimawlna a tun hi. Note lak panin gitlohna na mangsak pelmawh ding uh hi. f 22 Papi khatin mi zi khat a luppih a kimuh leh tua papipa le a luppih nupi a nih un a si pelmawh ding uh hi. Israel panin gitlohna na maimangsak pelmawh ding uh hi. g 23 Pasal khat in tenpih dinga thuciam a neisa nungak bit khat khua sungah tuaka, a luppih leh 24amaute gel - numei in khua sung hi napi hong huh un a cih loh man le pasal in mi zi khat a ciampelsak manin amaute gel kongpi ah kipaipih in suangin kideng lum ding hi. Note lak panin gitlohna na beimangsak ding uh hi. 25 Ahi hangin gamlakah pasal khat in tenpih dingin thuciam neisa numei khat tuakin a buan leh a buan pasalpa bek a si ding hi. 26A numei bangmah cih kei un; amah sihna zah dingin a mawh kei hi. Hih thu mi khat in a vengpa buluhin a thah tawh kibang hi. 27Ahang in, mipa in numei khua pua-ah a tuah hi a, tua a kidongsa numei a ot hangin a huh ding khat beek a om kei hi. 28 Pasal khatin tenpih dinga kiciamna a nei nai lo nungak bit khat tuakin buana a kitheih leh 29tuapa in numei’ pate ngun shekel ▼▼21.29 Hih in pound 1 ¼ bang (kilogram 0.6 bang)
sawmnga a pia ding hi. Tua pa in amah siakhusak ahi manin a tenpih pelmawh ding hi. A nuntak laisiah a ma thei kei ding hi. i 30 Mi khat in a pa zi a tenpih kei ding hi; a pa lupna a daisak peuhmah kei ding hi. j
Copyright information for
ZomZIV